لا تحاول تغتصب مني ابتسامه ..... فرحي المجروح ودع من زمان
الحزن باقي والدمعـه علامـه ..... احتريها نبض يلبسني الامـان
اذكر انه حب يسقيني سهامـه ..... من عيونه تشرق الدنيا حنـان
واذكره سلطان متسيد انامـه ..... طلته مثل البدر تضوي المكان
من جماله حارت الدنيا امامـه ..... تنتظر امره وتفرش له جنـان
واذكر انه طيب يشبه غمامـه ..... الوفا طبعه وصـادق باللسـان
اذكره والذكر ما يوفي تمامـه ..... كلها صفاته بحور من حسـان
كيف تسألني اتناسى غرامـه ..... كيـف انسـى وابقـى للهوان
لو نثرت الورد بكل الوسامـه ..... ما يساوي نظرة تروي العنان
ليست هناك تعليقات:
إرسال تعليق