جمعت حروفي من كل بستان ........ وصغتها بالشعر أجمل قصيده
فيها من العبره أشكال والوان ........ تصنع لنا البسمه وفكره مفيده
قالوا تطور قلت يا زين عنوان ....... نرقى من العلم دروب/ن عديده
صار التطور في جنز وقمصان ..... صرخة مطيحني وموضه جديده
شباب ضايع بين لبس وحيران ........ تقليد أعمى وبعقول/ن بليده
قالوا مهند قلت ولميس نجمان ........ صاروا لنا قدوه وحلم نريده
قلت بصراحه يا ناس غلطان ......... ضحكوا عليكم بدس المكيده
كل المصايب بالأصل أنسان ...... يصنع من البهجه أحزان أكيده
هذا مفحط للروح خسران ......... راحت حياته وسط متعه زهيده
وثاني مدخن للشيشه خرمان .......... أحرق بها قلبه بنار شديده
وثالث يبي سهره وراسه طربان ..... مره يحب راشد وأصاله نزيده
ومنهم قضى ليلة بفلم مليان ....... مناظر خلاعه وصوره كسيده
وختامها ندعو من الرب سلوان ..... يحفظ لنا بالحق أقدس عقيده
.
.
ليست هناك تعليقات:
إرسال تعليق