( هواجيس )

لا تلوموني ترى حالي سقيمة ...... صارت الآمي من الفرقا عظام
الحزن ... يبكي والبسمة يتيمة .....والهموم بداخلي مثل السهام
يا زمان الهم والفرحة القديمة ...... أطوي شراعك .. وعجل بالقيام
كل لحظاتي غدت مرة .. أليمة ...... الكدر صاحب .. والضحكة حرام
يا أمل روحي لا تطري الرحيل ...... يكفي الحسرة .. وألوانه الجسام
حارت أيامي .. ونادت بالمنية ..... وأقفلت كل المنابر ... والكلام
يا حبيبي .. طابت أيامك هنية ...... وأزهرت روحك وفاحت بالخزام
أرجعي بسمة يعانقها السحاب ..... وأنثريها بدنيتي .. أحلى الكلام
السعادة حلم ... والباقي سراب .... لو يطاوعني زماني .. ما يضام
هذه الدنيا ... حياة من نصاب ..... ما لها صاحب ولا رجل عظام
يوم يرفع قدره الغالي المهاب .... وبكره ترجع أسفل الأسفل حطام
يا حياتي .. لا ترومي بالخيال ..... القدر مكتوب .. والحكمة تسام